Қазақстан Ұлттық құрамасы футболдан әлем чемпионаты-2026 іріктеу турнирінің аясында Солтүстік Македониямен тең тарқасып, кішігірім сенсация жасады.
2026 жылдың маусым және шілде айларында АҚШ, Канада, Мексико елдерінің ұйымдастыруымен өтетін әлемдік додаға іріктеу ойындары өз жалғасын табуда. Осы іріктеу қарсаңында UEFA-ға мүше 55 мемлекеттің аяқ допшылары өз бақтарын сынап жатыр.
Ал, Қазақстан құрамасы 13 қазаннан 14 қазанға қараған түні Астана уақытымен сағат 23:45 те Солтүстік Македония құрамасымен ойын өткізді. Матч Скопье қаласында, 36400 адам сиятын «Тоше Проески атындағы Ұлттық аренада» өтті.
Ойын барысына келер болсақ, матчтың 54-минутында Иван Свиридовтың әуелете асырылған пасы 18-нөмірлі жейдемен өнер көрсеткен Дінмұхамед Қараманға ғаламат гол соғып, сенсация тудыруға мүмкіндік сыйлады. Бірақ, қарсылас Солтүстік Македония ойыншыларыда қарап қалмай, 74-минутта капитан Энис Барди айып соққысынан таразы басын теңестіріп кетті. Матч 1:1 есебімен аяқталды.
Қазақстан құрамасы үшін бұл ойын ӘЧ-2026 іріктеу кезеңіндегі 7-матчы еді. Қазір кестедегі жағдай мынандай: 1-орында 14 ұпаймен Бельгия, 2-орында 13 ұпаймен Солтүстік Македония, 3-орында 10 ұпаймен Уэльс, 4-орында 7 ұпаймен Қазақстан, 5-орындағы Лихтенштейнде ұпай жоқ.
Қазақстан құрамасының келесі ойыны Бельгиямен 15 қараша күні, Астана уақытымен сағат 19:00 де «Астана аренада» болады.
