«Семей» футзал клубы Франциялық «Этуаль » командасымен кездесіп, футзалдан Чемпиондар лигасының негізгі раундының екінші матчында жеңіліп қалды, деп хабарлайды Sportinform.kz порталы. Vesti.kz сайтына сілтеме бере отырып.
Пальма-де-Мальоркада өткен кездесу француздардың пайдасына 4:3 есебімен аяқталды. Бұл ретте қазақстандық клуб бірінші таймда 3:0 есебімен жеңіп жатып, үзілістен кейін қарсыласқа басымдықты беріп қана қоймай, жеңісті де жұлып алуға мүмкіндік берді.
«Семей» құрамында Бруно Гомес (3-минут) және Дедезиньо (8, 17-минут) голмен ерекшеленді. «Этуальда» Сухейл Мухудин (28, 28-минут), Хуассини Гирьо (30-минут) және Билал Баккали (39-минут) гол соқты.
1 қарашада «Семей» испандық «Пальмамен» ойнайды, ал «Этуаль» осыған дейін «Семей» 9:5 есебімен бірінші матчта жеңіске жеткен Чехиялық «Хрудиммен» кездеседі.
2-топтағы жағдай әзірге осылай көрінеді:
1. «Пальма» — 3 ұпай (1 матч)
2. «Этуаль» — 3 ұпай (2 матч)
3. «Семей» — 3 ұпай (2 матч)
4. «Хрудим» — 0 (1 матч)
Төрт топтың әрқайсысында үздік үш клуб 1/8 финалға шығады. А жолының әр тобында алғашқы екі орынды иеленген командалар финалдың 1/8 бөлігінде ойнап, үшінші орын алған командамен немесе В жолының жеңімпазымен кездеседі.
Футзалдан УЕФА Чемпиондар Лигасының 2026 жылғы финалдық кезеңін Италияның Песаро қаласы қабылдайды.
Материалды дайындаған: Алмас АСЫЛБЕК
