Өзбекстан бокс федерациясы World Boxing халықаралық ұйымының жаңартылған рейтингіне түсініктеме берді, деп хабарлайды Sportinform.kz порталы. Vesti.kz сайтына сілтеме бере отырып.
Бұған дейін World Boxing ерлер арасында әлемнің үздік боксшыларының рейтингін ұсынған еді. Онда Өзбекстан Қазақстанды артқа тастап, бірінші орынды иеленді.
«Қазіргі уақытта біздің ерлер құрамасының боксшылары әлемдегі он салмақ дәрежесінің алтауында бірінші орынды иеленді. Қалған төрт санат көршілеріміз-Қазақстан құрамасына тиесілі», — делінген федерация хабарламасында.
Қазақстан құрамасының төрт боксшысы өз салмақ дәрежелерінде тізімде көш бастады. Бұл Санжар Тәшкенбай (50 кг), Махмұд Сабырхан (55 кг), Төрехан Сабырхан (70 кг) және Айбек Оралбай (90 кг-нан астам).
Естеріңізге сала кетейік, қыркүйек айында Ливерпульде (Англия) өткен World Boxing әлем чемпионатында Қазақстан жеті алтын медаль жеңіп алып, бірінші жалпы командалық орынға ие болды. Екінші алты алтынмен Өзбекстан болды.
Материалды дайындаған: Алмас АСЫЛБЕК
