Қытайдың Нинбо қаласында WTA 500 санатындағы турнирдің финалдық ойыны өтіп, Қазақстанның бірінші ракеткасы Елена Рыбакина (№9 WTA) мен ресейлік Екатерина Александрова (№10 WTA) кім мықтыны сарапқа салды, деп хабарлайды Sportinform.kz порталы.
Екі теннисші арасындағы ойын тартысты болып, үш сетте өтті. Александрова кездесудің бірінші сетін — 6:3 есебімен сенімді түрде бастады. Алайда, екінші партияда Рыбакина қарсыласына 6:0 есебімен мүмкіндік қалдырмай, жауап берді. Титулдың тағдыры соңғы үшінші сетте шешілді, онда отандасымыз 6:2 есебімен жеңіске жетіп, ағымдағы маусымдағы екінші титулын иеленді 6:3, 0:6, 6:2.
Осылайша, Елена Рыбакина Нинбодағы WTA 500 турнирінің чемпионы атанды.
Еске сала кетейік, Нинбо турнирі 13-19 қазан аралығында өтті, жалпы жүлде қоры 1,06 миллион долларды құрады. Ал, Рыбакина чемпиондық атақ үшін 164 мың доллар және 500 WTA рейтингтік ұпайына ие болды.
Материалды дайындаған: Алмас АСЫЛБЕК
