Сурет: Қазақстан шахмат федерациясы
2–8 тамыз аралығында Павлодар қаласында «Прииртышье-2026» халықаралық балалар шахмат турнирі өтуде. Бұл — Қазақстанның Балалар Кубогы-2026 жарысының бесінші кезеңі. Оған 6 мен 14 жас аралығындағы шамамен 200 жас шахматшы қатысуда, деп хабарлайды Қазақстан шахмат федерациясының баспасөз қызметі.
Осы кезең аясында екі жеке турнир өткізілуде. Әрқайсысы 9 тур бойынша швейцар жүйесімен, жылдам классика уақыт бақылауымен (60+30 — партияға 60 минут + әр жүріске 30 секунд қосымша) өтеді:
— А турнирі (14 жасқа дейінгі жас санаты — 2012 жылғы және одан кіші балалар). 1-ші және 2-ші разрядты шахматшылар қатыса алады. 3-ші және 4-ші разрядты ойыншылар аға бапкерлердің өтініші бойынша жіберіледі; — B турнирі (10 жасқа дейінгі жас санаты — 2016 жылғы және одан кіші балалар). Разрядына қарамастан барлық шахматшылар қатыса алады.
Сондай-ақ командалық есеп жүргізіледі: бір өңірден төртқатысушы (А және B турнирлерінен бір ұл және бір қыз). Қазақстандықтармен қатар турнирге Қырғызстан мен Ресейөкілдері де қатысуда.
Әр жас санатында тек абсолютті жеңімпаздар мен жүлдегерлер ғана емес, қыздар арасындағы үздік үштік те анықталады.
Кезеңнің жалпы жүлде қоры — 3 миллион теңге.
«Шахматы — бұл ойыннан да артық нәрсе. Бұл — логикалық ойлау мектебі. Бұл — тәртіп, сабырлылық, жауапкершілік. Ол ойластырылған шешім қабылдауға, қарсыласты құрметтеуге, жеңісті де, жеңілісті де лайықты қабылдауға үйретеді. Дәл осы қасиеттер күшті, білімді және өзіне сенімді жастарды тәрбиелеуге көмектеседі. Құрметті қатысушылар, сіздердің әрқайсыларыңызға сенімді ойын, қызықты партиялар, жарқын жеңістер тілеймін. Лайықты қарсыластар мен әділ спорттық күрес болсын. Осы турнир сіздер үшін жаңа білім, жарқын эмоциялар және одан әрі жетістіктерге шабыт көзі болсын», — деді Павлодар облысыәкімінің орынбасары Айгүл Мәлікова.
«Бүгін Павлодарда Қазақстан Республикасының Балалар Кубогының бесінші кезеңін бастап жатырмыз. Қазақстанда Балалар Кубогының барлығы алты кезеңі өткізіледі. Біріншісі Шымкентте, екіншісі Қызылордада, үшіншісі Қостанайда, төртіншісі Оралда өтті, ал бүгінгі кезеңді Павлодарда өткізіп жатырмыз. Келесісі Алматыда болады, ал финал желтоқсанда Астанада өтеді. Кубок өте танымал болып барады. Балалар еліміздің барлық түкпірінен келеді. Оңтүстік өңірлерде 400-ге жуық қатысушы болса, мұнда Павлодарда шамамен 200 жас шахматшымыз, таланттар шахмат тақтасында күш сынасып, өз жетістіктерін көрсеткісі келеді. Елдегі шахматтың дамуы туралы айтар болсақ, бұл өте белсенді жүріп жатыр. Біздің жас шахматшыларымыз әлемдік тұғырларда, Азия ойындарында бірінші орындар мен жүлделі орындарды иеленіп жүр. Бұл бізді өте қуантады, өйткені қазір Қазақстанда осы бағытта Қазақстан шахмат федерациясының Президенті Тимур Тұрловтың басшылығымен кешенді жұмыс жүргізілуде. 2023 жылы шахматты 2027 жылға дейін дамыту туралыүкімет қаулысы қабылданған болатын. Қазір республикамыздың 1500 мектебінде балалар шахмат білім беру бағдарламасы бойынша оқытылуда», — деп атап өтті Қазақстан шахмат федерациясының вице-президенті Марат Есенов.
Қазақстанның Балалар Кубогы төртінші жыл қатарынан көп кезеңді ересектер Қазақстан Кубогымен параллель өткізіліп келеді.
«Мен шахматты төрт жасымда ойнай бастадым. Ол мені қызықтырды, өйткені бұл өте қызықты ойын. Әкем шахмат кітабын әкеліп берді. Мен оған өте қызыға бастадым, содан кейін ата-анам мені секцияға берді. Содан кейін мен ыждағаттылықпен жаттыға бастадым, бірақ бірнеше жылға үзіліс жасадым. Ойынға жақында ғана қайта оралдым. Қазір қайтадан ыждағаттылықпен ойнай бастадым. Жақында Оралда 14 жасқа дейінгі қыздар арасында бірінші орыналдым. Жалпы есепте бесінші орын. Бүгінгі жарыстарға бірапта дайындалдым. Мұндағы барлық қарсыластарым өтекүшті, қыздар арасындағы санат өте байсалды. Бірақ мен бірінші орынды алуға үміттенемін», — дейді жарысқақатысушы 14 жастағы Анжела Асқар.
Қазақстанның Балалар Кубогы-2026 Д. А. Қонаевмемориалымен басталды (21–27 наурыз, Шымкент). Онда 6–14 жас аралығындағы 411 жас шахматшы бақ сынасты. Жеңімпаздар: А тобында (14 жасқа дейін) — Ернұр Ержанұлы және Бибісара Ержан, B тобында (10 жасқадейін) — Әли Атнаш және Айару Нұрбол.
2–8 мамыр аралығында Қызылордада 382 спортшының қатысуымен 2-кезең — Аралбай Махамбетов мемориалы өтті. Жеңімпаздар: А тобында — Ернұр Ержанұлы және Милана Филиппова, B тобында — Әли Атнаш және Әделина Нұрханқызы.
30 мамыр – 5 маусым аралығында Қостанайда 285 жас спортшының қатысуымен 3-кезең — А. Г. Уфимцев мемориалы өтті. Бірінші орындарды А тобында Әлириза Шарафиев пен Альбина Қайырбекова, B тобында Санжар Рахымтай мен Амира Әлеманова иеленді.
4–10 шілде аралығында Оралда 214 жас спортшының қатысуымен 4-кезең өтті. Ол А тобында Әмір К. Болат пен Анжела Асқардың, B тобында Әли Атнаш пен Айзере Мейірханқызының жеңістерімен аяқталды.
Алтыншы кезең 18–24 тамыз аралығында Алматыда өтеді. Финал 1–13 желтоқсан аралығында Астанада өткізіледі.
«Прииртышье-2026» халықаралық балалар шахмат турнирі Қазақстан шахмат федерациясы тарапынан Павлодар облысының әкімдігі мен Freedom компаниялар тобыныңқолдауымен өткізілуде.
