Көкшетауда сеньорлар арасындағы шахматтан Қазақстан командалық чемпионатының жеңімпаздары анықталды. Чемпион атағын Астана-2 командасы иеленді, деп хабарлайды Қазақстан шахмат федерациясының баспасөз қызметі.
Астанадан келген екі команда бірдей ұпай жинады – командалық та, жеке де, олардың арасындағы матч та 2–2 есебімен тең аяқталды, ал дауды Астана-2 командасының пайдасына сәл жақсырақ Зоннеборн–Бергер коэффициенті шешті. Жеңімпаздар құрамында өнер көрсетті: Виктор Журавлёв (1976), IM Ерлан Тикжанов (2188), Жангельді Сабатаев (1924) және Айжан Асанова (1604).
Күміс медальдар – Астана командасында: IM Владислав Насыбуллин (2268), FM Нұрлан Досов (2131), CM Арман Оспанов (1951) және WIM Әлфия Төребаева (2033).
Қола – Шымкент командасында: Серік Елеуп (1926), Берік Қошжанов (1874), Әбдіқадір Яхияев (1944) және Маргарита Новицкая (1717).
2–8 қыркүйек аралығында Көкшетаудағы «Kokshe Arena» көпфункционалды спорт кешенінде сеньорлар арасындағы шахматтан 2026 жылғы Қазақстан командалық чемпионаты өтті. Оған 7 команда қатысты, әр команда құрамында 4 қатысушы болды: 1975 жылы туғандардан кіші емес бір әйел және үш ер адам (біреуі 1960 жылы туғандардан кіші емес, біреуі 1960–1975 жылдары туған және біреуі команданың таңдауы бойынша сеньор). Бір запас ойыншыға рұқсат етілді.
«Ардагерлер арасындағы жарыстарды пайдалы деп санаймын, оларды өткізу керек, бұл адамдар бүкіл өмірін шахматқа арнаған. Сондай-ақ бұл өскелең ұрпаққа үлгі – қатысушылардың біріне 88 жас! Біз тарихты ұмыта алмаймыз, әсіресе бұл турнирлер құрамында Қазақстан шахматтың дамуына лайықты үлес қосқан мастерлер, гроссмейстерлер ойнайды, сондықтан мұндай жарыстарды қолдау керек. Барлығы өте достық атмосферада өтті, ардагерлер көптеген жақсы партиялар ойнады», – деп әңгімелейді турнирдің бас төрешісі Серікбай Темірбаев.
Чемпионат 7 турдан тұратын айналма жүйе бойынша өтті, уақыт бақылауы – жаңа классика 60+30 (партияға 60 минут, әр жүріске 30 секунд қосылады, бірінші жүрістен бастап).
7 күндік күрес қорытындысы бойынша командалар келесі тәртіпте орналасты:
- Астана-2 – 13 командалық ұпай, 18 жеке ұпай;
- Астана – 13 ұпай, 18 жеке ұпай;
- Шымкент – 9 ұпай, 13 жеке ұпай;
- Алматы – 8 ұпай, 15 жеке ұпай;
- Ақтөбе облысы – 6 ұпай, 10,5 жеке ұпай;
- Ақмола облысы – 4 ұпай, 6 жеке ұпай;
- Көкшетау – 3 ұпай, 3,5 жеке ұпай.
Турнирдің кепілдендірілген жүлде қоры үш млн теңге болды.
Сеньорлар арасындағы елдің командалық чемпионаты дәстүрлі түрде қазақстандық шахматшылардың аға буынының ең күшті өкілдерін біріктіреді және өңірлерге бетпе-бет күрес қорытындысы бойынша ең күшті команданы анықтауға мүмкіндік береді. Чемпионат Freedom компаниялар тобының қолдауымен өткізілді.
